Niški radiolog Aleksandar Ivković je na svom blogu napisao opsežan tekst o svakom aspektu aktuelne pandemije korona virusa. Od kada je SARS-Cov-2 počeo da se širi iz Kine u februaru, novonastala zdravstvena kriza dočekala nas je nespremne: svijet se dugo nije borio sa pandemijom ovih razmjera.
Kako ljudima objasniti nešto što je potpuno novo i nesvakidašnje, a jako ga je važno dobro razumjeti – jer ugrožava zdravlje?
O novom korona virusu kruže razne netačne ili poluinformacije, a radiolog Ivković je na svom blogu “Ljudi i ostale laži” dao svoj odgovor na gotovo svako pitanje koje se često postavlja u javnosti.
“Ne pravim se pametan ili važan. Kao i svi drugi očekivao sam da država odvoji vremena na TV i obrazuje građanstvo. Umjesto toga imamo oprečne izjave i naredbe koje se kažu pa povuku. Čak, kada neko kaže bilo šta vezano za epidemiju dobije salvu napada i uvreda od ljudi koji dežurno i uredno, svaki dan, čekaju da izađe neka vijest, kako bi imali šta da napadaju. Posebno kada se radi o vijestima koje jedan dio vlasti ne želi da čuje. No, nisam ovdje da bih se bavio politikom. Prosto ne želim”, poručuje i nastavlja Ivković:
“Kriznom štabu ne zamjeraju jedino članovi njihovih porodica (makar ne javno). Nije im lako, a nema im nazad i vjerujem da se trude da svi budu zadovoljni a to je u epidemiji nemoguće. Ipak da se vratimo na današnju temu. Ostavljanje i prepuštanje ljudima da se sami obrazuju je ogromna greška”.
Šta je SARS-CoV-2 a šta je COVID-19
“Početkom decembra su u Kini, u Vuhanu, primijetili da, u sred epidemije gripa, dolazi do zapaljenja pluća i toka bolesti koji se razlikuje kod nekih pacijenata. Zapaljenja su bila obostrana, simptomi nisu nastupali brzo i zaključili su da se radi o nekoj novoj bolesti. Imali su loša iskustva sa SARS-om i riješili su, ovaj put, da obavijeste ostatak svijeta. To su uradili 31.12.2019. godine. Već nakon par dana je napravljen, “pročitan” genom virusa. Primjećeno je da dosta liči na SARS ali se dovoljno razlikuje da nije ista bolest. Da ne bi bilo konfuzije, bolest je nazvana COVID-19 (bolest izazvana korona virusom iz 2019. godine) a virus SARS-CoV-2 (Teški akutni respiratorni sindrom izazvan korona virusom drugim te vrste). Da su znali u tom trenutku malo više mogli bi da nazovu bolest recimo Teški akutni sindrom čitavog tijela SAWBS”, piše radiolog.
Kako je nastao virus
Virus je prešao sa životinje na čovjeka, kaže Aleksandar Ivković.
“Postoji nekoliko verzija kako i kada. I zašto. Da krenemo od zašto. Puno virusa živi u životinjama, preteča ovog virusa dolazi iz slijepih miševa. I nije nimalo neočekivano. Ima još virusa koji mogu i koji će vjerovatno nekada izazvati epidemije, a moguće i pandemije. To je prirodni sljed. Nije ništa neobično. Sasvim je očekivano da se virusi prilagode da zaposjednu najdominantniju vrstu.
U filmovima je to prosto, jedan šišmiš pljune, svinja pojede, ljudi pojedu svinju i nastane epidemija. Nije tako. Da uprostimo. Virus zarazi neku vrstu koja je bliska šišmišima. Djelimično se promijeni. I dalje dolazi do kontakta sa originalnim virusom. Verzije koje su mutirale tako da se bolje prenose opstanu u drugim vrstama. Sasvim sigurno neka od tih virusa napada i ljude, ali još nije sposobna da se prenese sa čovjeka na čovjeka. Mutira shodno svojoj okolini. Tako izmijenjena živi u životinjskim vrstama ali je sve bliža ljudima. Sve dok se ne dogodi takva mutacija koja omogućuje prenos na čovjeka i opstanak u njemu. Taj proces traje decenijama. Za ovaj virus se misli da vodi porijeklo još iz druge polovine XIX vijeka. Slično kao i HIV”, navodi radiolog iz Srbije.
Opširnije na portalu Nova.rs.
Program N1 televizije možete pratiti UŽIVO na ovom linku kao i putem aplikacija za Android|iPhone/iPad
